Sabes, de verdade verdadeira, como é que funcionan os bosques? Nun bosque todo está conectado. Pero ademais, todas as persoas estamos tamén conectadas cos bosques. E é que, sen dúbida, o bosque é a nosa casa. Entra neste libro e descubrirás unha morea tan grande de cousas alucinantes (e que moi pouca xente sabe) que te converterás en especialista en bosques. Garantido!

Autora: Sara Fernández

Sara Fernández (Madrid, 1976) é escritora e ilustradora de literatura infantil e xuvenil. Tamén é enxeñeira de montes aínda que actualmente exerce a media xornada para poder compatibilizalo co seu labor creativo. E vive coa súa familia nunha aldea de 8 habitantes rodeada de bosque. Tras máis dunha década traballando en desenvolvemento rural, xestión forestal sostible, impacto ambiental e divulgación, Sara empezou a reformarse como ilustradora e escritora en diferentes escolas. Ao cabo de tres anos, publicou o seu primeiro álbum ilustrado, A Florencio le pica la cabeza (Milrazones, 2019) e como escritora publicou Ser bajita es un rollo (Edelvives, 2020) e El día que me comió un león (Edelvives, 2021). O bosque é a nosa casa permitiulle a Sara axuntar as súas tres facetas, a creativa, a científico-técnica e a vital, nun só proxecto.

Autora: Sonia Roig

Sonia Roig é doutora enxeñeira de montes e profesora na Universidade Politécnica de Madrid. Actualmente é a presidenta da Sociedade Española de Pastos. Investiga e ensina sobre materias que teñen que ver con como coidar árbores e montes, crear novos bosques ou valorar e optimizar todos os beneficios dos ecosistemas forestais. Desde hai máis de 20 anos traballou en varias universidades e centros de investigación, en múltiples proxectos sobre o funcionamento de bosques e sistemas silvopastorales. Escribiu numerosos libros e artigos de difusión internacional dos seus resultados de investigación. O bosque é a nosa casa foi a ilusión de moitos meses e a oportunidade de explicar aos futuros coidadores dos bosques moitos dos seus segredos.