No caso de López Ferreiro, publicouse por partes nos catro primeiros números da revista bimestral Galicia histórica. En definitiva, a tradución completa destes dous traballos en lingua galega, nunha soa obra, con tódolos argumentos histórico-críticos do abade Duchesne, profesor de historia da Igrexa, e do cóengo López Ferreiro, destacábel historiador de Galiza con respecto á presenza do Apóstolo en Compostela, é, sen dúbida, de extraordinaria importancia para a nosa historiografía e agardada con degoiro, dende hai 120 anos, por eruditos, historiadores, e curiosos do noso pasado...