"Ía xa para un mes que o Ourizo gabeaba todas as noites a un piñeiro e refregaba as estrelas.
—Se non refrego as estrelas cada noite, seguro que se esvaerán —pensaba el."
Así comeza o primeiro dos sete contos escritos hai máis de cincuenta anos polo escritor ruso Serguéy Kozlov. O Ourizo, o Osiño, o Coello e o Esquío, protagonistas destas divertidas e tenrashistorias, son amables, enxeñosos e alegres. Coas súas accións convídannos a reflexionar sobre a importancia de compartir, de respectar os demais, de coidar a nosa contorna ou de imaxinar e soñar.
Polo seu humor tenro e intelixente con diferentes planos de lectura lémbrannos a oso pequeno e tigre pequeno de Janosch ou aos coñecidos personaxes de Arnold Lobel.

___